يومي الدراسي الأول في الثانوي





السلام عليكم و رحمة الله وبركاته

أحم أحم ،،
أول يوم دراسة في الثانوية
كان .. 12 - 10 - 1432 هِـ

طبعاً قمت قبل أذان الفجر بـ شويتين
لبست المريول على بال مايذن
طبعاً كحلي
ولمن أذن قمت صليت 

كنت مرتبكة شوي و خلصت سريع وقومت العآيلة الكريمة
طبعاً حمودآ هالسنة روضة ، كبر في نظري بـ يوم وليلة
و هذآ لبسه حلو عليه

أحترت ايش أسوي بشعري بس بالأخير قررت أسوي تسريحة
من حقت برعم الورد وكمان شفتها عند سماء بموضوع لهم ( أستفدت منهآ )
لبست هذي حسيتهآ حلوة لأول يوم

جهزت شنطتي 

وهذا بس الي كان فيها
* موفرة ،حتى ماتكرمت تحط دفتر أو ورقة

لبست جزمتي
وثم مشينا عَ الساعة ست وربع

كان الوضع طبيعي و كان حمودي كل دقيقة يطرح سؤال

( ماما بعدين وين تروح ! أنت تروحي المدرسة ! طيب من يروح معي ! )


لمن شفت شارع المدرسة حسيت أنو اول يوم أختبار
اعذروني سنتي جديدة معهم

امهم دخلت لقيت شميميّة وسلمت على بنات الثانوي الي كانوآ معي بالمتوسط
قعدت مع شميمة ليما اكتملنا ورحنا جلسنآ في مكان
صفونا طوابير و وزعونا بس فرقوآ شلتنا ( اثنين - اثنين - ثلاثة )
الصدمة لمن دخلت المبنى حسيت أنهآ مبنى - رعاية صحية - أعـرفه 
على شان كذا مآضعت فيه

ماعجبني فصلي مممرآ ( من ناحية كل شي ) بس يفي بالغرض
* كان حوسة مارتبوا الكراسي فمالو داعي أرسم شكله 
المهم أني أول كرسي جمب الباب
 

لمن نزلونا ناخذ الكتب من المستودع
أنا أصلا عارفة أن مريولي فيه شي ممنوع وعارفة ماراح يسلموني الكتب
بس قلت أجرب حظي ، وبالفعل ماعطوني

قلت : يآ أبلآ طيب أيش المخالف !!
قالت : حبيبتي أنت شكلك هادية و خلوقة ، بس سوي في مريولك بنس
قلت : طيب إن شاء الله أسويه اليوم
قالت : و لو ( ترقعين ) الفتحة هذي يكون أفضل
قلت : بس صغيرة مو ممنوعة
قالت : طيب ، خلاص نتغاضى

لمن جيت أكتب المخالفات الي علي جتني وحدة تقول : شرابك طويل ولا قصير !
قلت : قصير شوي
قالت : وريني أشوف ،،
وريتها . قالت : لآ ،، مخآلف أكتبي شراب قصير
قلت في نفسي : خآربة خآربة

ورجعت بشنطتي الفآرغة

رجعونآ الفصل قعدت أسولف مع البنات ،وأتعرف على الجدد
ليما نزلونآ الفسحة واجتمعنا يآ الشلة
و درنا مني منآك أبد مالقينا مكان يعجبنا ، ليكون مقراً لنآ 
طبعاً ،،صارت مواقف ، و كسبنا سيئات البنات ( حش ) ، ضحكنا ، والكثير الكثير ...

زعلت شوي بس عادي رضيت بسرعة ،،

و خلونآ الرابعة والخامسة أعتقد رجعونا حصة و قعدت أكمل تعرفي على البنآت
و أثناء رحلتي في التعرف على البنات ،،
شفت صديقة صديقتي القديمة ، حبيت أسمع سوالف صديقتي و أخبارها
بس ماكان في وقت لأنهم صرفونا 12

وبكذآ رجعت إلى البيت لم أكسب كتاباً واحداً


أتمنى يكون يومي أعجبكم
أدري طولت حكي بس تحملوآ ( أفضفض )

هناك 6 تعليقات:

إحترف التصميم يقول...

ماشاء الله
مدونة ممتازة
بارك الله فيك

غير معرف يقول...

صباحك غاردينيا
هههههههههه
وربي كنت اضحك كأني شايفتك انتي ومريولك وصديقاتك يالله ذكرتيني بأيام الثانوية بجد أيام مرة حلوة ربنا يوفقك وبس مخالفات ههههههههههه"
؛؛
؛
لروحك عبق الغاردينيا
كانت هنا
reemaas

зsɦȣтĸ يقول...

ششكراً إحترف على الزيآرة ،، =)

зsɦȣтĸ يقول...

هههههههه
جميلة هي الذكريات ،،
أما المخالفات ،، فَ لأني نيو ^^

ولروحكِ أيضاً 3>

احلام وَ روابي يقول...

ماشاء الله يوم جميل مليء بالمفاجئات موفقه الله يسهل لك دربك 

зsɦȣтĸ يقول...

أهلاً , ,

آممين . .()